தற்செயல் ஆச்சரியம். பழைய சில புகைப்படங்களின் ஸ்கேன் செய்யப்பட்ட பிரதிகளைப் பார்த்துக் கொண்டிருந்தேன். நடுவே ஃபேஸ்புக்கின் பக்கங்களை மேய்ந்தபோது கிரிக்கெட் பற்றிய ஒரு பதிவு கண்ணில் பட்டது. பகிர்ந்திருந்தவர் வயலின் இசை மேதை டாக்டர். எல். சுப்ரமணியம். என் சேகரிப்பில் இருந்த பழைய படங்களைப் பார்த்து இழந்த கணங்களை நினைவு கூர்ந்து கொண்டிருந்தபோது எல். சுப்ரமணியத்தின்பதிவும் காணக் கிடைத்தது வியப்பளித்தது. ஏனெனில் நான் பார்த்துக் கொண்டிருந்த படங்களில் ஒன்று இங்கே இருப்பது. 2004 அல்லது 2005 கால அளவில் எடுக்கப்பட்டது. அவ்வளவு பெரிய மேதை கால்கடுக்க நின்றபடியே பேசிக் கொண்டிருந்தார். எனக்கு அது அரை மணி நேர சங்கீத சொர்க்கம்.
 |
| டாக்டர். எல்.சுப்ரமணியத்துடன் ஓர் அற்புத கணம் |